ບໍລິສັດລາວວຽງຈັນເຊັນເຕີມະຫາຊົນເຂົ້າຮ່ວມກອງປະຊຸມຜູ້ລົງທຶນໃນລາວ

ບໍລິສັດລາວວຽງຈັນເຊັນເຕີມະຫາຊົນເຂົ້າຮ່ວມກອງປະຊຸມຜູ້ລົງທຶນໃນລາວ

     ໃນວັນທີ18-20ພຶດສະພາ,ຜູ້ຮັບຜິດຊອບທີ່ກ່ຽວຂ້ອງຈາກບໍລິສັດລາວວຽງຈັນເຊັນເຕີມະຫາຊົນເຂົ້າຮ່ວມກອງປະຊຸມຜູ້ລົງທຶນໃນລາວ ເຊິ່ງແມ່ນຕະຫຼາດຫຼັກຊັບລາວເປັນຜູ້ຈັດຂຶ້ນ,ກອງປະຊຸມແມ່ນເພື່ອແນໃສ່ຊຸກຍູ້ຕະຫຼາດເງິນທຶນໃນລາວ ແລະ ຮັກສາສາຍພົວພັນນັກລົງທຶນຂອງບັນດາບໍລິສັດທີ່ຈົດທະບຽນ. ເນື່ອງຈາກສະພາບການລະບາດຂອງພະຍາດໂຄວິດ-19, ການປະຊຸມຄັ້ງນີ້ເລີຍດຳເນີນໄປໂດຍການທາງວີດີໂອ.

      ໃນຊ່ວງການນຳສະເໜີ, ບໍລິສັດມະຫາຊົນໄດ້ເນັ້ນໜັກໄປທີ່ການແນະນຳພາບລວມຂອງບໍລິສັດ, ການດຳເນີນທຸລະກິດຫຼັກໆ, ການຈດຕັ້ງໜ່ວຍງານຕ່າງໆ, ກົນລະຍຸດໃນການພັດທະນາ ແລະ ແຜນດຳເນີນທຸລະກິດໃນປີ 2022, ວຽກງານຊ່ວຍເຫຼືອສັງຄົມຂອງບໍລິສັດ ແລະ ຕົວຊີ້ວັດທາງດ້ານການເງິນທີ່ສໍາຄັນຂອງບໍລິສັດໃນປີ 2021. ໃນຊ່ວງຕອບຄຳຖາມ, ບໍລິສັດມະຫາຊົນໄດ້ເນັ້ນໜັກກ່ຽວກັບ “ມາດຕະການໃນການດຳເນີນວຽກງານພາຍໃຕ້ຜົນກະທົບຈາກການລະບາດຂອງພະຍາດໂຄວິດ-19” “ວິທີຮັບມືກັບຄູ່ແຂ່ງໃນອຸດສະຫະກຳດຽວກັນ”“ມີແຜນການຈັດການຕໍ່ເງິນປັນຜົນແບບຕໍ່ເນື່ອງຫຼືບໍ່” “ຄາດໝາຍວ່າລາຍໄດ້ປີ2022ຈະດີຫຼືບໍ່” ແລະ ຍັງໄດ້ໂອ້ລົມກັບນັກລົງທຶນກ່ຽວກັບບັນຫາອື່ນໆຜ່ານລະບົບອອນລາຍ.

      ໃນການນຳສະເໜີຄັ້ງນີ້, ບໍລິສັດມະຫາຊົນ ແລະ ບັນດາຜູ້ລົງທຶນທີ່ຢູ່ໃນແວດວົງຕະຫຼາດການລົງທຶນໃນລາວໄດ້ໂອ້ລົມກັນດ້ວຍອັດທະຍາໃສທີ່ດີ ໂດຍຜ່ານລະບົບອອນລາຍ, ໄດ້ສ້າງຄວາມເຂົ້າໃຈກ່ຽວກັບບໍລິສັດມະຫາຊົນໃຫ້ແກ່ນັກລົງທຶນໃຫ້ເລິກເຊິ່ງຂຶ້ນຕື່ມ, ຍົກລະດັບສາຍສຳພັນອັນແໜ້ນແຟ້ນລະຫວ່າງເຫຼົ່ານັກລົງທຶນຂອງບໍລິສັດມະຫາຊົນ, ສ້າງພາບລັກທີ່ດີຂອງບໍລິສັດມະຫາຊົນໃນແວດວົງຕະຫຼາດການລົງທຶນ.